കണ്ണൂർ ജില്ലയിലെ ചിറ്റാരിപ്പറമ്പ് ഗ്രാമ പഞ്ചായത്തിലെ ചിറ്റാരിപ്പറമ്പ് ഗവൺമെൻ്റ് ഹയർ സെക്കൻഡറി സ്കൂൾ പരിസരത്ത് നിന്ന് വോയ്സ് ഓഫ് 87 എന്ന സാംസ്കാരിക സംഘടന നിശ്ചയിച്ചിരിക്കുന്ന ചിറ്റാരിപ്പറമ്പ് മാരത്തോൺ 2026 ഏപ്രിൽ 5 ന് ഞായറാഴ്ച പ്ലാഗ് ഓഫ് ചെയ്യുന്നതോടെ കണ്ണൂരിൻ്റെ കായിക ഭൂമികയിൽ ചിറ്റാരിപ്പറമ്പും ശ്രദ്ധ നേടാൻ പോകുകയാണ്.

തദ്ദേശ സ്വയംഭരണ സ്ഥാപനങ്ങൾ, വിവിധ സർക്കാർ വകുപ്പുകൾ, വിദ്യാഭ്യാസ സ്ഥാപനങ്ങൾ, കായിക മേഖലയെ പ്രോത്സാഹിപ്പിക്കുന്ന സാംസ്കാരിക വേദികൾ, വ്യാപാരി- വ്യവസായി മേഖലയിലെ സംഘടനകൾ, കായിക പ്രേമികൾ, നല്ലവരായ നാട്ടുകാർ തുടങ്ങി, എല്ലാവരുടേയും നിറഞ്ഞ സഹകരണത്തോടെയാണ് ചിറ്റാരിപ്പറമ്പ് മാരത്തോൺ '26 ഞങ്ങൾ സംഘടിപ്പിക്കാൻ ഒരുങ്ങുന്നത്.

"CLEAN CHITTARIPARAMBA" ആപ്തവാക്യമായി സ്വീകരിച്ച് സംഘടിപ്പിക്കുന്ന ഈയൊരു കായിക മാമാങ്കം വരുംവർഷങ്ങളിലും കായിക പ്രേമികളിൽ നിറഞ്ഞ പ്രതീക്ഷ നൽകുമെന്നതിൽ യാതൊരു സംശയവുമില്ല !

നിശ്ചയിക്കപ്പെട്ട റൂട്ടിലൂടെ മാരത്തോണിൽ പങ്കെടുക്കുന്ന മത്സരാർത്ഥികൾ കടന്നുപോകുമ്പോൾ ഒരു നാടിൻ്റെ പ്രാർത്ഥനയും, പ്രോത്സാഹനവും ഞങ്ങൾ പ്രതീക്ഷിക്കുന്നുണ്ട്. ചിറ്റാരിപ്പറമ്പ് മാരത്തോണിൽ 5000 ത്തിന് മുകളിൽ കായിക പ്രേമികൾ അണിനിരക്കുമെന്ന് ഞങ്ങൾ ഉറച്ച് വിശ്വസിക്കുന്നു.

മത്സരത്തിന് ശേഷം നടക്കുന്ന സാസ്കാരിക സദസ്സിലും, അനുബന്ധ പരിപാടികളിലും എല്ലാവരുടേയും പിന്തുണയും, നിറഞ്ഞ പങ്കാളിത്തവും സഹകരണവും, കലയേയും കായിക മേഖലയെയും എന്നും പ്രോത്സാഹിപ്പിച്ചിട്ടുള്ള നല്ലവരായ നാട്ടുകാരിൽ നിന്നും സ്നേഹപൂർവ്വം ഞങ്ങൾ പ്രതീക്ഷിക്കുകയാണ്.